കഴുത

വഴിയോരക്കാഴ്ചകള്‍ ആസ്വദിച്ച് കൊണ്ട് നടക്കുകയായിരുന്നു ബാന്ദാ സിംഗ്. പെട്ടന്നാണ് അദ്ദേഹം‍ ആ ചുവരെഴുത്ത് കണ്ടത്. അതില്‍ ഇപ്രകാരം എഴുതിയിരുന്നു

“ യേ പഠ്നേവാലാ ഗദാ ഹെ...!“ [ ഇത് വായിക്കുന്നവനാരോ അവന്‍ കഴുതയാണ്....!].

ഇത് വായിച്ച ബാന്ദാ സിംഗിന് ദേഷ്യം വന്നു. അദ്ദേഹം അവിടെത്തന്നെ നിന്നു കൊണ്ട് ചിന്തയിലാണ്ടു...

“ഹും.... മനുഷ്യനെ അപമാനിക്കുന്നോ... എന്താണ് ഇതിനൊരു പ്രതിവിധി...?“

കുറച്ച് നേരത്തേ ആലോചനയ്ക്ക് നേരം എന്തോ ഉപായം കിട്ടിയ സന്തോഷത്തില്‍ വേഗത്തില്‍ നടന്നു പോയി. അല്‍പ്പസമയത്തിനു ശേഷം പെയിന്റും ബ്രഷുമായി എത്തിയ ബാന്ദാ ആ ചുമരെഴുത്ത് ഇപ്രകാരം മാറ്റിയെഴുതി

“യേ ലിഖ്നേവാലാ ഗദാ ഹെ...!“ [ ഇതെഴുതിയവന്‍ കഴുതയാണ്...!]